Klinik för Urologie

Hartlich willkamen in de Urologische Klinik

De Urologische Klinik büttdat hele therapeutische Spektrum för Krankheiten an de Nieren, an de afleiten Harnweeg un de Geslechtsorganen an. Wi wennt de modernen Methoden un de nieste Technik an, dorbi ok de Lasertherapie, Strahlen – un Chemotherapie.

As en wichtiget Rebeet hett sik de Therapie vun urologische Tumoren an de Blaas, de Prostata, de Nieren, den Harnleiter un de Hoden rutstellt. De Chancen, na en Tumorkrankheit wedder gesund to warrn, sünd hüüttodaags goot.

Oberflächliche Blasentumoren ward endoskopisch wegmaakt, deelwies mit den Laserstrahl . Üm to verhinnern, dat de Krankheit wedderkümmt, ward direkt na de Operation Medikamente in de Blaas geven,
Bi de Therapie vun Harnblasentumoren, de al wiet to sünd un dorüm de Blaas rutnahmen warrn mutt, kümmt mehr un mehr en Harnblasenersatz ut Dünndarm un Dickdarm op.

Niee Operationstechniken bi Prostatakrebs maakt en nervschonen un blootsporen Vörgahn möglich. De Patient kann fröh sien Kontinenz kontrulleern, un veelmals kann sien Erektionsfähigkeit sekert warrn.
Frömdbloot ward kuum noch bruukt.

För Patienten, för de en Operation nich infraag kümmt, höllt de Stahlentherapeutische Klinik ehr vullet Spektrum vör. As minimal-invasivet Bestrahlungsverfohrn ward in besünnere Fälle lütte radioaktive Kugeln (Seeds) in Tosamenarbeit mit de daallaten Urologen implanteert.

Wenn Nierentumore nich to groot sünd, ward so opereert, dat dat Organ erholen blifft.

För de urologischen Tumore, de al wiet to sünd un mit en Operation oder Bestrahlung alleen nich behannelt warrn köönt, gifft dat moderne Formen vun de Chemotherapie.

De Kinnerurologie, 25 % sünd Fehlbildungen vun den Urogenitaltrakt , is en anner Swoorpunkt. Fehlbildungen an de Nieren, den Harnleiter un de Blaas ward hüttodaags bi de Niegebornen faststellt un köönt fröh korrigeert un dordörch verhinnert warrn, dat een vun de beiden Nieren verloren geiht.

Stenen in de Nieren un in de Harnleiter ward foorts behannelt, dormit dat to keen längere Wehdaag kümmt un keen Schaden nablifft . Dat Tweimaken vun de Steenen vun buten un de minimal-invasive Steentherapie vun binnen maakt meist ümmer en raschet Wegmaken vun de Steenen ahn en Snittoperation möglich..

Endoskopiesche Operationsverfohren an de Prostata un an de Blaas ward ok mit den Laser anwendt.