Afdeel för Unfallchirurgie un Orthopädie

Klinikkoffer – Wat schull ik mitbringen?

In de nafolgen List staht all de Saken, de Se för Ehren Krankenhuusbesöök bruukt. Se schall Se bi`t Packen helpen. Bedenkt Se bitte, dat Se man wenig Platz hebbt, un bringt Se möglichst keen Weertsaken oder gröttere Geldbedrääg mit.

Handys bitte to Huus laten., se dörft in`t Krankenhuus nich bruukt warrn, wiel dat medizinische Apparaten stöört warrn köönt.

Ik kaam to en ambulante Ünnersöken (ambulante Spreekstünn)

För de Vörstellung in de Spreekstünn langt en Överwiesen vun den Huus- oder Fachdokter. Ok för en stationäre Inwiesen köönt Se sik in de Spreekstünn vörstellen. In besünnere Fäll schull en Överwiesen to`n Röntgen mitbröcht warrn. De Krankenversekerungskort ward bruukt.

Dormit dat keen Doppelünnersöken gifft un dat flott vörangeiht, bringt Se bitte op jeden Fall Vörbefunnen (t.B. aktuell Ünnersökenbefunnen EKG/Labor, Doppler-, Duplexbefunde oder fröhere Krankenhuusberichte vun anner Kliniken) un Röntgenbiller, CT- Biller, MRT un MRA mit.

Ik kaam to en stationäre Therapie

Wenn Se för de plaante stationäre Opholen blootverdünnen (gerinnungshemmende) Medikamente afsetten mööt, ward Se dat bi de ambulante Vörünnersöken vun den Dokter seggt..

Personalutwies
Krankenversekerungskort (Chipkort)
Inwiesschien vun Ehren Dokter (För Privatversekerte: Kostenövernahmbescheed vun Ehr Versekerung
Patientenverfügung/Betreuungsverfügung wenn vörhannen
Vörbefunnen, de mit Ehr Behanneln tosamen hangt un Röntgenbiller
En List mit all Medikamenten, de Se opstunns innehmt *
Insuline/ Insulinpens
Diabetikerutwies oder Noothelppaß (Marcumar, Allergie ect. ),wenn vörhannen
En Tasch oder Koffer mit Naamschild
Huusschoh
Slaapantog oder Nachthemd
Baadmantel oder kommodige Kledaasch
Ünnerwäsch
Handdöker
Waschlappens
Seep
Duschgel
Tähnpasta
Tähnböst, Prothesenbeker
Hoorwaschmittel
Annere Kosmetiksaken för de däägliche Körperpleeg (t.B.Haftcreme, Körperlotion ect.)
Klock oder Wecker
Tietschriften, Böker (köönt Se aver ok in`t Krankenhuus kriegen)
Raseerapparat
Kamm/Böst
Material för de Stomaversorgung, ggf. de wennten Eenmalkatheters

Dormit dat keen Doppelünnersöken gifft un dat flott vörangeiht, bringt Se bitte op jeden Fall Vörbefunnen (t.B. aktuell Ünnersökenbefunnen EKG/Labor, Doppler-, Duplexbefunde oder fröhere Krankenhuusberichte vun anner Kliniken) un Röntgenbiller, CT- Biller, MRT un MRA mit.

*Dat gifft so veel ünnerschedliche Medikamente, dat wi de in`t Krankenhuus nich all vörhollen köönt. Dorüm beed wi Se, Ehr Medikamente to en stationäre Opnahm mittobringen, so dat wi Se versorgen köönt, bit de bi de Afteek bestellten Medikamenten dor sünd.

Dat versteiht sik, dat Se soveel Medikamenten vun uns wedder torüchkriegt, as wi ut Ehr Packungen nahmen hebbt. Se hebbt dordörch keen Unkosten.