Afdeel för Unfallchirurgie un Orthopädie

Ik bün dor

Kneeendoprothese, Hüftendoprothese

Bi all plaante Operationen so as de Implantation vun Kunstgelenken ward för all Patienten de Operation, de  stationäre Opholl dorna un de nödige Rehabilitation ut de ambulante Spreekstünn plaant.
De Operation ward al in de ambulante Spreekstünn plaant.  Dorbi ward ok de Blootweerte kontrolleert un de Patient den Narkosedokter vörstellt. En nödige Ünnersöken (t.B. vun den Gefäßstatus) kann denn ahn Termindruck ambulant vör den stationären Opholl vörnahmen warrn.
Tomeist ward de Patient enen Dag vör de Operation opnahmen. Denn kann t.B. en Physiotherapie vörnahmen warrn, bi de de  Patient dat Gahn an Ünnerarmstütten  mit deelwies Belasten vun dat Been lehrt.

De stationäre Tiet duert allgemeen 10 – 14 Daag. Dorna ward de Patient in de  stationäre oder ambulante Rehabilitation (Reha) entlaten.

Wietere Kontrullen köönt över de Spreekstünn vörnahmen warrn.

Arthroskopie

Dat Planen vun de Spegelung (Arthroskopie) vun en Gelenk löppt vör all Patienten över de ambulante Spreekstünn.

De Patient ward in de Spreekstünn ünnersöcht, un tosamen mit em ward de Operation bespraken. Denn ward en Blootproov nahmen un de Patient den Narkosedokter  vörstellt.

Tosamen mit den Patienten ward de Termin för de ambulante oder stationäre Operation fastleggt. Dörch de ambulante Operation dörf för den Patienten keen högeret Risiko ingahn warrn as bi de stationäre Therapie.

To de ambulante Spegelung vun en Gelenk (Arthroskopie) stellt sik de Patient an den afmaakten Termin vör. De Swester nimmt em op un wiest em sienRuum to. Vun dor ward de Patient to de OP bröcht un ok wedder afhaalt. Ehr he entlaten ward, snackt de Operateur mit den Patienten över den Ingreep un wat wiederhen maakt warrn schall un de Prognose. Ok de Narkosedokter maakt en Kontrull un gifft den Patienten för dat Entlaten frie.

Elkeen Patient kriggt bi dat Entlaten enen Breef för den wieterbehanneln Dokter mit, in den dat akkerate Konzept för dat Wieterbehanneln opschreven is.