Afdeel för Unfallchirurgie un Orthopädie

Ehr Fragen un Antwoorden

Hier finnt Se in Tokunft Fragen, de veelmals stellt ward  un Antwoorden to de Ünnersöken un Behanneln in de Klinik för Unfallchirurgie, Wedderherstellungschirurgie un Orthopädie..

Wi wörrn uns freuen , wenn Se uns Fragen, fehlen Antwoorden oder Inholte, de Se misst hebbt, per E-Mail tostüern wörrn.

Velen Dank för Ehr Mitarbeit.

Ehr Dr: med. Arthur Friedrich

Markblatt to`nVerhinnern vun Störten

Wannehr ward de Fadens trocken?

Wunnen heelt ünnerscheedlich, dat hangt vun de Steed an`n Körper af . Fadens an Gesicht un Hals köönt al na 7 Daag , an Hand oder Foot mennigmal eerst na 14 Daag trocken warrn. Besnackt Se de Oort vun den Wundversluss vör de Operation mit uns.

Wokeen behannelt mi wieder?

Normalerwies deit dat Ehr Huusdokter –Wenn wi för Se neger bi sünd, övernehmt wi geern Ehr Versorgung, bit de Wunn heel is oder ok länger.

Wannehr dörf ik wedder Auto fohrn?

As Regel schull man 24 Stünnen na en ambulante Operation nich sülven Auto fahren.
Bi Operationen an de Benen gellt, dat de Benen vull belastbar sünd. Utnahmen:Bi Automatik-Autos dat linke Been. Na Operationen an de Arms is dat komplizeerter. Fraagt Se den Dokter.

Wo lang höllt en Kunstgelenk (Endoprothese) ?

Kunstgelenke ward hüüttodaags ut langlevige Materialien maakt. Allgemeen sünd na 10 Johr ümbi 90 – 95 % vun de insetten Kunstgelenken intakt, na 20 Johr ümbi 70 – 80 % 

Kann en Kunstgelenk utwesselt warrn?

Jo, man kann en Kunstgelenk ok utwesseln, wenn sik dat lockert hett. In Problemfäll kann dat ok mehrmals uttuuscht warrn.

Wannehr kann ik wedder Sport drieven?

Dat hangt vun den individuellen Verloop un vun de Oort Operation af – eerst mit den Dokter snacken ! Bi Kunstgelenkoperationen schull man 8 – 12 Wuchen na den Ingreep töven. Dorto is en individuellet Oordeel nötig, ok speelt de chirurgische Verloop un dat Röntgenbild en Rull.

Wannehr kann ik wedder duschen?

Dat is möglich, wenn de Wunn vun buten afheelt is .-je na de Oort vun den Wunnenversluß ümbi een Wuch na de Operation.

Kann ik na de Operation wedder in de Sauna?

Wenn de Wunn goot  heelt , af de 6. Wuch.

Wat för Sportoorten sünd na dat Insetten vun en Kunstgelenk möglich?

Normalerwies köönt Se na en vernünftige Tiet vele Sportoorten wedder opnehmen, de Se vör de Operation dreven hebbt. Toraden doot wi to Radfohrn, Wannern oder Swümmen. Tennis schullt Se blots op Sandplätze spelen, Skifohrn  un Joggen lever nich, dorför aver Walken. Wenn Se Fragen hebbt, geevt wi Se geern Informationen över dat Sportdrieven.

Kann ik na en insett Kunstgelenk in en Fitness-Studio gahn?

Sport an Geräten is na Afspraak mit den behanneln Dokter möglich.

Wannehr mutt ik to en Nakontrull na dat Insetten vun en Kunstgelenk?

De eerste Nakontrull  schull na 3 Maanden maakt warrn. Wiedere Nakontrullen, ok ahn Wehdaag, schullen na 1 Johr un denn all 2-3 Johr folgen. En Kontrull schull ümmer vörnahmen warrn, wenn Wehdaag an un üm  dat Kunstgelenk opkaamt.

Wanehr mutt ik na dat Insetten vun en Kunstgelenk besünneren Schutz dörch Antibiotikum vörnehmen laten?

Bi Infektionen mit un ahn Fever so as en Tähnvereiterung, Nagelinfektion, Ohrentzündung oder Nesennevenhöhlenvereiterung schullen Se sik vun den Dokter Antibiotika verschrieven laten, dormit dat keen Infektion an dat Kunstgelenk geven kann.

Wolang mutt ik na dat Insetten vun en Kunstgelenk op`n Rüch slapen?

Allgemeen is 6 Wuchen na de Insetten vun en Hüftendoprothese dat Liggen op de Siet möglich.
Na dat Insetten vun en Kneegelenk is dat Liggen op de Siet meist na  1 – 2 Wuchen möglich.