Afdeel för Unfallchirurgie un Orthopädie

Hartlich willkamen bi de Afdeel för Unfallchirurgie un Orthopädie

De Unfallklinik in Rendsborg un Eckernföör höllt rasche un kompetente Versorgung bi Dag un Nacht för Verletzungen bit hen to swore Unfäll parat Dat gellt ok  bi akute Lieden an den helen Bewegungsapparat vun den Körper, de Warvelsüül insloten.

Flyer unserer Unfallchirurgie und Orthopädie

To jede Tiet köönt akut nödige operative Ingrepen op hoget Qualitätsniveau vörnahmen warrn. Beid Kliniken hebbt enen Notarztwagen un enen Hubschrauberlanneplatz. Rendsborg is Standoort för enen vun de 3 Hubschraubers in Sleswig – Holsteen.

Blangen de Versorgung vun akute Verletzungen un de ehr late Folgen, so as Fehlstellungen oder Fehlverhelen  - Pseudarthrose - ward wichtige orthopädische Krankheiten behannelt. Sünnerlich de Coxarthrose - de Versleetkranhheit vun dat Hüftgelenk – un de Gonarthrose – de Versleet vun dat Kneegelenk – fallt bi dat däägliche Opereern veelmals an.

Ümmer wedder ward arthroskopische Ingrepen an dat Kneegelenk un dat Schullergelenk vörnahmen.

En grotenBedüden hett de konservative un operative Behanneln vun Krankheiten an de Warvelsüül: Bandschievenvörfäll över Versleet an de Warvelgelenken, de Spondyarthrose in de Inengung vun den knökern Warvelkanaal, de Spinalkanalstenose un de dordörch opkamen Lieden.

Wedderopbuu-Ingrepen an de Hannen sünd de Dupuytren`sche Kontraktur, Ganglien un Engpass- Syndrome vun de Armnerven so as dat Carpaltunnelsyndrom, Supinator-Logen-Syndrom un Ulnarisrinnensyndrom.

Wi hebbt en enge Tosamenarbeit mit all Kliniken un Fachafdelen in`t Huus, mit de Huusdokters in de Region un de daallaten Chirurgen un Orthopäden. Engen medizinischen un wetenschoplichen Kontakt gifft dat mit de Universität Kiel dordörch, dat wi den Lehropdrag för de Uni hebbt un gemeensame Wieterbillen afhoolt.