Gefäß- un Thoraxchirurgie
Hartlich willkamen in de Klinik för Gefäß- un Thoraxchirurgie
De Klinik för Gefäß- un Thoraxchirurgie vun dat Krankenhuus Rendsborg- Eckernföör is de öllste un gröttste in ehr Oort in Sleswig – Holsteen. 
Fleeger vun de Aadern- un Bosskass'n Chirurgie Patienteninformation Gefäß- und Thoraxchirurgie
Dat dynamische un överut künnige Team vun de Klinik, de vun de düütsche Gesellschop för Aadernchirurgie zertifizeert worrn is, maakt all Operationen an dat Gefäßsystem – bit op den Insatz vun de Hart- Lungenmaschin. Dorbi nehmt de heel schonen endovaskuläre Operationen
stüttig to . Bispele dorför sünd dat Verhinnern vun en Aneurisma(Utsacken) vun de Buukslagader dörch Aortenstentgraft oder de Stentimplantation in to enge Halsslagadern un Beckenarterien, allens in Tosamenarbeit mit de interventionelle Radiologie.
Annere Hauptrebeten vun de Klinik sünd de „Hybridoperationen“. Dat sünd Ingrepen, de togliek vun Gefäßchirurgen un Radiologen vörnahmen ward un somit en Kombination vun gefäßchirurgischen un radiologischen Arbeiden bedüüd. Anbeden deit de Klinik ok all bekannte Bypassimplantationen mit körperegen Material un mit Kunststoff, jüst so as en heel routineerte
un moderne Operationen vun Krampadern, de tomeist dörch „Stripping“ un
„Miniphlebektomie“ wegmaakt ward. Bald ward ok de Lasertherapie för Krampadern in`t KKH Rendsborg – Eckernföör to de Routinearbeiten tellen.
Twee Fachdokters mit dat Hauptrebeet Thoraxchirurgie sorgt för en adäquate un hoochspezialiseerte Therapie bi de Thoraxpatienten. Somit sünd all Ingrepen an de Lung, an den Bronchialboom un dat Mediastinum möglich. Wi stellt alltiets seker, dat de Patienten dörch qualifizeerte Partners vun de Onkologie, Strahlentherapie/Pathologie un de Innere Medizin interdisziplinär behannelt ward.
