Strahlentherapie un Nuklearmedizin

Hartlich willkamen bi de Strahlentherapie un Nuklearmedizin

Mit enen modernen „Linearbeschleuniger“ ward in de Strahlentherapie Tumore un gootoortige Krankheiten behannelt. Dörch dat Verbinnen vun Operation, Strahlen- un Chemotherapie laat sik ümbi de Hälft vun all Krebskrankheiten helen. De Bostkrebs bi de Fruuns na en Operation, bi de de Bost bewahrt ward, is de Krankheit, de an`n mehrsten so behannelt ward.

In enge Tosamenarbeit mit de medizinische un gynäkologische Klinik köönt wi de mehrsten Patienten mit parallel lopen Chemotherapie ambulant behanneln.

De Nuklearmedizin schall dat Hart, de Knaken, de Lung, de Nieren un de Schilddrüüs afbillen un op ehr Funktion ünnersöken.

De Düütsche Krebsgesellschop  un de Gesellschoop för Senologie (Bostkrebsspezialisten) raat de Patientinnen mit Bostkrebs, sik in en vun de zertifizeerten Bostzentren behanneln to laten. Siet 2004 höört dat Rendsborger Krankenhuus dorto

Üm noch mehr Kompetenz anbeden to könen, is de Afdeel Strahlentherapie an dat Holsteensche Bostzentrum anslaten un nimmt regelmatig bi de interdisziplinären Fallkonferenzen mit de bedeligten Kliniken deel, de dörch Video överdreegen ward.

De Qualität vun de medizinische Versorgung, de Arbeitsaflööp un de Strahlenschutz ward egalweg överwacht. Düsse „Audits“ (Kontroll)  ward vun de Düütsche Gesellschop, den TÜV Süd un de Ärztliche Steed Strahlenschutz vun de Ärztekamer Sleswig-Holsteen vörnahmen. Rendsborg hett dorbi in Sleswigö-Holsteen dat Zertifikat 1b kregen.

As Liddmaat in den Vereen Strahlentherapie Schleswig-Holstein un de Düütsche Gesellschoop  für Radioonkologie (Degro) garanteert wi, dat Krebspatientinnen en qualitäts- un tietgerechte  radioonkologische Versorgung neegbi kriegt. De bedeligten Kliniken hebbt sik in en partnerschopplichet Versorgungskonzept op eenheitliche Therapiekonzepte un Qualitätsrichtlinien fastleggt. Uns Team qualifizeert sik dörch regelmatigeWieterbillen  un kann uns Patienten ok, wenn nödig, op Engelsch versorgen.