Psychiatrie

Klinik för Psychiatrie, Psychotherapie un Psychosomatik

„Zitat: Stationäret Versorgen vun de psychisch kranken Minschen ut den Kreis Rendsborg – Eckernföör dörch vullstännige Kompetenz vun de Nervendokters“.

De Klinik för Psychiatrie, Psychotherapie un Psychosomatik hett an`n 01.01.2000 mit ehr Arbeit anfungen un sekert siet de Tiet de stationäre

Versorgen vun psychisch kranke opwussen Minschen. De Klinik steiht so in de Plicht ümbi 270.000 Minschen to versorgen.

De Krankenhuusplaan Sleswig – Holsteen 2006 – 2010 wiest för de Afdeel över 110 vullstationäre un 32 deelstationäre Behannelplätze un een Institutsambulanz ut.

De twee Dagkliniken, de to de Klinik för Psychiatrie, Psychotherapie un Psychosomatik höört, sünd in Rendsborg (15 Behannelsplätze) un Eckernföör (17 Behannelsplätze) .

110 vullstationären Behannelsplätze sünd opdeelt op veer Behannelrebeten ( Allgemeinpsychiatrie, Suchtmedizin, Gerontopsychiatrie un Psychosomatik ) mit söss Swoorpunkt- Stationen.

Dat Konzept vun de Afdeel richt sik na de Vörstellung vun en apen Psychiatrie, in de dat Anwennen vun psychotherapeutische Methoden enen zentralen Stellenweert hett. Dat Spektrum vun de Afdeel reckt vun differenzeerte pharmakologische Behanneln mit wetenschopliche Wiespahls över dat Behanneln to dat Entgiften bi afhängig Kranke bit hin to Anbotten för differenzeerte Behanneln, de „verhaltentherapeutisch un tiefenpsychologisch“ fundeert sünd. Ok de Elektrokrampftherapie is in Tosamenarbeit mit de Anästhesiologie möglich. All de modernen diagnostischen Verfohren vun dat ärztliche Fachrebeet ward in uns Huus anwennt ; dorto höört ok de Verfohren, de affbillen doot (kraniale Computertomographie, Kernspintomogtaphie).

In de Klinik arbeit en interdisziplinäret Team vun Plegers, Dokters, Psychologen, Sozialpädagogen, Ergotherapeuten, Krankengymnasten un Bewegungstherapeuten, Musiktherapeuten un Kunsttherapeuten. Siet den 01.01.2006 ward in de Klinik för Psychiatrie, Psychotherapie un Psychosomatik en Modellversöök maakt, üm en regionalet Psychiatrie Budget to ünnersöken, de Universität Leipzig gifft dorbi wetenschoplichet Geleit.