Pleeg – un Funktionsdeenst

Hartlich willkamen bi den Pleeg- un Funktionsdeenst

Gröten vun den Pleegdirekter

In den Pleeg- un Funktionsdeenst vun de Krankenhuusstandorte Rendsborg un Eckernföör sett wi MitarbeiterInnen mit de Utbillen för Kranken- un Gesundheitspleeg, as StationsassistentInnen un Servicekräfte in.

Över de Grundutbillen för Kranken- un Gesundheitspleeg rut sorgt wi för en vullstännigeWieterbillen. De Kosten övernimmt deelwies dat Huus.

In`n Pleegdeenst arbeit de MitarbeiterInnen in de 5,5 Daag - Week in en Dree-Schichtsystem. Parallel dorto ward flexibel staffelte Deenstformen anbaden.

För de Versorgung vun uns Patienten hoolt wi an den Krankenhuusstandort Rendsborg 664 Plaanbetten in 12 Fachafdelen un in Eckernföör 207 Plaanbetten in 7 Afdelen vör. In Rendsborg arbeit in den Pleeg- un Funktionsdeenst 510 MitarbeiterInnen op tosamen 33 Stationen un Fachrebeten. De sünd opdeelt in Grootstationen mit 43-54 Betten un lüttere Rebeten mit 21-30 Betten.

In Eckernföör sünd 200 MitarbeiterInnen in den Pleeg- un Funktionsdeenst op tosamen 14 Stationen un Funktionrebeten. Siet 1951 gifft dat enen Verdrag twüschen den domaligen Kreis Eckernföör un de Swesternschop vun`t Rote Krüz Elsa Brandström e.V. in Flensborg.

In dat Leitbild för de Pleeg hebbt wi de Grundinstellung fastleggt, de för de plegerische Versorgung vun de Patienten de Richt angifft. Blangen de professionelle Arbeit is dat uns Anliggen, uns Patienten so goot as möglich to ünnerstütten, to helpen  un ehr Wünsche to bedenken, so goot as wi köönt.

De Tofredenheit vun uns Patienten is uns gröttstet Anliggen.