Pathologie

Ünnersöken

Histologische Ünnersöken

Mikroskopische Ünnersöken vun Geweev na dat Oparbeiten vun dat Geweev in dat histologische Labor. Dat ward an`t Mikroskop maakt. Dorto mutt een dat gesunde Geweev kennen, dormit man krankhafte Ännerungen afgrenzen kann.

Böösoortigen Mammatumor
mit Verkalkungen

Gootoortiges
Mammageweeve

Histologie beschrifft dat Geweev in sien vullstännige Struktur (Geweevverband). Wenn ik en Deel rutsnie, ünnersöök ik blots noch den Zellverband.

Zytologische Ünnersöken

Mikroskopische Ünnersöken vun enkelte Zellen , de dörch Punktion oder Afstrich funnen worrn sünd.

Hier en Bispill
för böösoortige Zellen in den Ascites,
fröher as Buukwatersucht nöömt

Immunhistochemische Ünnersöken

Dorbi ward Zellstrukturen dörch spezifische Antikörper sichtbor maakt., de Antigene op de Zellmembran, in den Zellkern oder dat Zytoplasma markeert. So ward dat möglich, Zellen noch över de fiengeweevlichen Strukturen hinweg to charakteriseern. En Tumor kann wieter fastleggt warrn un dat Tumorgeweev mit sien Utgangsgeweev oder villicht sien Utgangssteed bestimmt warrn. Ok kann dat Resultat vun immunhistorische Ünnersöken wat över wietere Therapiemöglichkeiten utseggen. Dorto hört t. B. dat Bestimmen vun den Hormonrezeptorstatus un de Her-2-neuExpression (Herceptin) vun dat Mammacarcinom.

Snellsnittünnersöken

Vun Maandag bit Friedag is dat Institut paraat för de operativen Afdelen, t.B. de Gynäkologie, Urologie, Chirurgie. Dorbi ward Geweevproven vun den Patholog mit de Deepfreermethode ünnersöcht, wieldes de Operation anduurt. Wat de Patholog rutfinnt, is wichtig för de wieteren Schreed bi de Operation. Antwoort schall geven warrn op de Fraag na de Natur vun den Krankheitsprozess – gootoordig oder böösoordig- . Antwoort schall aver ok geven warrn op de Fraag, wat de kranken Dele „ut dat Gesunde“ rut sünd oder wat noch wieteres Geweev rutnahmen warrn mutt, üm den Krankheitsprozess / Tumor /Karzinom vullstännig to stoppen.

Obduktion

De Obduktion – Ünnersöken vun en Liek – schall de Fraag na den Verloop vun de Krankheit un de Fraag na de Dodesoorsaak antern. De Obduktion – ok Sektion .nöömt – hett Bedüden för de Qualitätssekerung.

Düsse Opgaav hett en beten Bedüden verloren, dordörch, dat dat mit de Endoskopie, Sonographie, Radiologie, CT, MRT mehr un mehr vörangeiht.