Medizin för Kinner un junge Lüüd (Pädiatrie)

En beten Statistik

In de Klinik för Kinner- un junge Lüüd- Medizin ward ümbi 2000 Patienten in`t Johr behannelt.

De Kinner bringt in`t Dörchschnitt ümbi 4 Daag in`t Krankenhuus to. Düsse Weert berekent sik ut de Opholltieden vun all Patienten –vun den lüttsten Fröhgebornen, de ünner Ümstännen en poor Maande  in`t Krankenhuus blieven mutt, aver ok ut de Kinner, de wegen en Dörchfall mit Waterverlust blots 1-2 Daag versorgt warrn mööt. To`n Vergliek : Noch för 15 Johr leeg en Patient mit Scharlach 14 Daag in`t Krankenhuus – hüüt behannelt wi Kinnerdokters de sülvige Krankheit meist ümmer ambulant!

To de stationär liggen Patienten ward noch wietere meist 3.000 Kinner un junge Lüüd  dörch Krankenhuusdokters un Kinnerkrankenswestern behannelt, wenn de daallaten Kollegen keen Spreekstünn hebbt oder in Nootfäll.. In de Nootfallambulanz vun de daallaten Kinnerdokters in de Region, ward in de Spreekstünnen nochmal ümbi 5.000 Patienten in`t Johr ünnersöcht un behannelt. Düsse Nootfallambulanz liggt ok in de Rüüm vun de Kinnerklinik.

Alltohoop ward in de Kinnerklinik also ümbi 10.000 Patienten in`t Johr versorgt, d.h. op jeden Dag ümrekent ümbi 27 Babys, Söögkinner, Lüttkinner, Schoolkinner un junge Lüüd opnahmen, ünnersöcht, versorgt un wedder na Huus laten.