Medizin för Kinner un junge Lüüd (Pädiatrie)

Hartlich willkamen in de Pädiatrie

In de „Kinnerklinik“ ward all Kinner un junge Lüüd vun den lütten Niegebornen bit hen to den meist vulljöhrigen Teenager versorgt.

Dat Kinner keen lütte opwussen Minschen  sünd un dorüm för ehr Öller richtig oppaßt un behannelt warrn mööt, is middewiel allgemeen begäng. Dorüm ward hüüttodaags ok nich mehr blots vun Kinnerheelkunn, sünnern richtigerwies vun Kinner- un Junge-Lüüd- Medizin snackt. En Naam för düt Fachrebeet is „Pädiatrie“

Uns besünnere – un mennigmal recht lütte – pädiatrischen Patienten ward dorüm in en Klinik versorgt, de dorop utricht is. Un uns Behannelteam is dorüm  en Team vun speziell för düsse Opgaav utbillte Kinnerkrankenswestern un Dokters.

Ünnerscheedlich ole Kinner hebbt ok ünnerscheedliche Krankheiten un Probleme.. Dorüm gifft dat in de Pädiatrie blangen meist all de ut de Medizin för  opwussen Lüüd bekannten Spezialrebeten so as t .B. Neurologie (Nerven-), Kardiologie /Hart- ),Pneumologie (Lungenkrankheiten), Allergologie un ok Psychiatrie – noch annere Fachrebeten, de in de Medizin sünst nich vörkaamt. En Bispill dorför is de Neonatologie, de sik besünners mit Faststellen  un Behanneln vun Krankheiten bi Fröh – un Niegeborne befaten deit. Uns Behannelteam deckt  all düsse Fachrebeten af.
Wenn en Operation notwennig ward, kann se gau un kompetent vörnahmen warrn, wieldat dat en allerbest Tosamenarbeit mit de Kollegen in de Afdelen för Allgemeen- , Unfall- un Gefäßchirurgie un de Urologie  gifft, de all kinnerchirurgische  Erfohrung hebbt.

Besünners komplizeert is de Versorgung vun chronisch kranke Kinner un junge Lüüd, t. B. vun Patienten mit Asthma oder Zuckerkrankheit (Diabetes mellitus). Hier hebbt wi en grote Spezialambulanz, de ümmer paraat is un sik üm all Belangen vun düsse Patienten engageert un professionell kümmert – vun dat eerste Instellen bit to de regelmatige Utbillen..

Over ok, wenn sik dat nich üm rein medizinische Probleme hannelt, staht wi uns Patienten un ehr Öllern to Siet. Dörch de enge Tosamenarbeit mit vele soziale Organisationen in de Region köönt wi in lege Levenslagen direkt helpen oder Help unkomplizeert un vertrulich vermitteln.

...un wieldat bi all Sorg un Försorg vun uns Personal nix de Neegde vun Mudder oder Vadder liek kümmt,  kann in`t  Vörschoolöller normalerwies een Öllerndeel kostenfrie mit opnahmen warrn un dordörch düchtig to dat rasche  Genesen bidregen.