Klinik för Innere Medizin

Woans wi behannelt

De Gastroentreologie un Hepatologie sünd dat Deelrebeet vun de Innere Medizin
dat sik mit de Diagnostik un Behanneln vun Krankheiten in dat Verdauungssystem, so as Magen, Darm, Gall un Lever befaat. In uns Klinik wennt wi meist all moderne Verfohren an, mit de Krankheiten vun düsse Organs faststellt un behannelt warrn köönt.

En grote Bedüden hett dorbi de Endoskopie. Düt Woort, dat vun dat greeksche „skopein = sehen„ kümmt, beschrifft de Möglichkeit, de inneren Hollorgans to spegeln. Düsse Method is vun gröttste Wichtigkeit bi dat fröhtiedige Kennen un ok Behanneln vun Krankheiten in de Spiesröhr, den Magen, den Dünn- un ok Dickdarm un deGallenweeg.

To düsse Spegelünnersöken (endoskopische Ünnersöken) höört de Magenspegelung, de Darmspegelung un dat Afbillen vun de Gallenweeg vun den Twölffingerdarm ut.

Bi Krankheiten vun de Atenweeg un de Lung ward ok de inneren Atenweeg mit en Spegelünnersöken afkloort. Vör düsse Ünnersöken ward meisttiets en Medikament geven, dat beruhigt un Wehdaag minnert. Dordörch ward unangenehme Geföhlen bi den Patienten meist ganz un gor utsloten. In düsse Tiet vun de „Sedierung“ ward de Patient dörch en „Pulsoxymetrie“ intensiv överwacht un dorbi de Puls un de Suerstoff in`t Bloot faststellt. So kann de Dosis vun de Medikamente akkerat anpaßt warrn.

De Spegelinstrumenten, de dorbi insett ward, ward vun uns Endoskopieswestern, de speziell utbillt sünd, reinmaakt un desinfizeert. Na den niesten Stand vun de Technik spelt sik dat in en spezielle Endoskop-Waschmaschin af. Dorbi ward mit en hoge Temperatur un dörch chemische Desinfektionsmittel dorför sorgt, dat sik keen Krankheitserreger utbreden kann.
De Afdeel ward bi de Qualitätssekerung regelmatig vun dat Hygieneinstitut vun de Universität Kiel kontrolleert, bitto ahn een Kritik.

All endoskopische Ünnersöken köönt ambulant oder stationär maakt warrn; den Utslag geevt dorbi de Oort un de Swore vun de Krankheiten.

För mehr Informationen klickt Se op de nafolgen Links: