Klinik för Innere Medizin

Hartlich willkamen in de Klinik för Innere Medizin

Dat gröttste Fachrebeet an de beiden Krankenhüüs(Rendsborg ümbi 160 Betten, Eckernföör umbi 90 Betten) steiht ünner dat Leit vun Professor Dr. med. Dirk Becker (Internist , Gastroenterologie, Intensivmedizin). He un sien Team (Oberärzte, Fachärzte, Dokters  in de internistische Wiederbildung un MTA"s un Pleegpersonal) staht för dat akkerate Kennen un Behanneln vun Krankheiten ut dat hele Rebeet vun de Innere Medizin.

Flyer der Inneren Medizin

De Medizinischen Kliniken behanneln in`t Johr ümbi 11.000 stationäre un ümbi 20.000 ambulante Patienten. De sünd opdeelt op Bettenstationen un de Intensivstation .De mehrsten vun de Stationen sünd vun Grund renoveert. Dat hannelt sik üm 1-Bett, 2-Bett oder 3-Bett- Rüme

De Afdeel hett dat mehrstendeels to doon mit de Kardiologie (Hart – Kreisloop – un Gefäßkrankheiten), de Gastroenterologie (kranke Magen, Darm, Lebber, Gallenblaas un  Gallenweeg as ok Buukspiegdrüüs), de Pneumologie (Lungenkrankheiten), de Diabetologie (Zuckerkrankheit) un de internistische Intensivmedizin.

Dörch de Grötte vun de Afdeel un de hoge Tall vun ärztliche un plegerische Mitarbeiters is garanteert, dat neben de Grundversorgung för all Spezialfragen en Reeg vun Experten vörhannen sünd. So is en Versorgung op hööchstet Qualitätsniveau garanteert.

Dörch de enge Tosamenarbeit mit all de annern Fachafdelen in uns Huus, is dat möglich, dat  all Patienten mit fachövergriepen Krankheiten op den korten Weg kompetent behannelt ward. De Tosamenarbeit geiht ok, wenn nödig, bit na de Kieler Universitätsklinik, t.B. för Hartoperationen.