Klinik för Geriatrie

En beten Statistik

In`t Johr 2007 worrn alltohoop 326 Patienten geriatrisch behannelt.. In` n Dörchsnitt hebbt se bi uns  17,2  Daag tobröcht ( In`t Vörjohr 18,8 Daag).

Bi 40 % hannelt sik dat üm Patienten, de hinfullen sünd un sik dorbi Brüch in de Gegend vun de Hüftgelenken totrocken hebbt. Wi seht to, dat wi de Patienten so fröh as möglich vun uns Unfallchirurgische Klinik övernehmt , dormit se sik nich unnödig lang in`t Krankenhuus ophollen mööt.

Bi en anner Patientengrupp (ümbi 30% bit 40 %) hannelt sik dat üm Slaganfäll un annere Krankheiten vun dat zentrale Nervensystem. In de letzten Johrn hebbt wi ümmer mehr komplizeerte Hart- Kreisloop-Krankheitsfäll, jüst so as ok Patienten na komplizeerte Buukoperationen.

Wenn möglich ward Patienten na Amputationen vun Been un Fööt  in uns Geriatrie övernahmen. Mennigmal laat vele tosätzliche Krankheiten en Versorgen mit Prothesen nich to. Liekers köönt wi binah ümmer dorför sorgen, dat de Patient sik sülben beter helpen kann.