Klinik för Allgemeen- un Viszeralchirurgie

Klinikkoffer - Wat schull ik mitbringen?

In de nahfolgen List findt Se all de Saken, de Se för en Krankenhuusbesöök oder för en stationäre Opnahm bruukt .De List schall Se bi`t Packen helpen. Bedenkt Se bitte, dat Se in`t Krankenhuus wenig Platz hebbt , un bringt Se möglichst keen Weertsaaken un wenig Geld mit.

Handys mööt to Huus blieven,dat Telefoneern dormit in`t Krankenhuus kann medizinische Apparaten stören un is dorüm nich tolaten.

Ik kaam to en ambulante Ünnersöken( Spreekstünn)

Se brukt en Överwiesschien vun EhrenHuusdokter oder vun en Fachdokter.

Dormit dat keen Doppelünnersöken gifft un dat ganze vörangeiht, bringt Se op jeden Fall mit, wenn vörhannen: Vörbefund (t.B. Vun aktuelleEKG/ Laborünnersöken, Doppler- un Duplexbefunde  oder fröhere Krankenhuusberichten vun anner Kliniken), Röntgenbiller,  CT-Biller,MRT un MRA

Ik kaam to en stationäre Therapie

Bedenkt Se bitte, dat Se Ehren Huusdokter fragen mööt, wat för Medikamenten gegen dat Blootgerünnen Se een Week för de plante Operation afsetten mööt.

•      Personalutwies, Allergiepass, Schrittmakerutwies, Marcumarutwies
•      Krankenversekerungskort(Chipkoort)
•      Inwiesschien vun Ehren Dokter
•      Blots för privat Versekerte : Kostenövernahmbescheed vun Ehr Versekerung
•      Vörbefunnen vun Ehr Behanneln
•      All de Medikamente, de Se opstunns innehmt *
•      Diabettikerutwies oder Noothelfspass, wenn vörhannen.       
•      Insulin un Messgerät mit noog Teststriepen
•      En Tasch oder Koffer mit Naamschild
•      Huusschoh
•      Slaapantog oder Nachhemd
•      Baadmantel oder kommodige Kledaasch
•      Ünnerwäsch
•      Waschlappen un Handdöker
•      Seep, Duschgel un Shampoo
•      Tähnpasta,Tähnböst, Tähnputzbeker un, wenn Se hebbt,Prothesenbeker
•      Annere Kosmetiksaken för de däägliche Körperpleeg
•       Klock oder Wecker
•      Tietschriften, Böker( kriegt Se ok in`t Krankenhuus)
•      Wenn Se hebbt , anpaßte Antithrombose -oder Stüttstrümp un Buukremen                            
•      bi Stomata-   Patienten: dat egen Versorgungssystem
•      wenn Se hebbt: Gahhelper, Rollator

* Dat gifft so veel ünnerscheedliche Medikamente, dat wi de in`t Krankenhuus nich all vörhollen köönt.Dorüm beed wi Se,  Ehr Medikamente to en stationäre Opnahm mittobringen, so dat wi Se versorgen köönt, bit de bi de Afteek bestellten Medikamenten dor sünd.
Dat versteiht sik, dat Se soveel Medikamenten vun uns  wedder torüchkriegt, as wi ut Ehr Packungen nahmen hebbt. Se hebbt dordörch keen Unkosten.