Zertifizeern

Holsteensche Bostzentrum

Qualitätssiegel för dat Holsteenschet Bostzentrum

Dat Tosamenslüten vun mehrere Gynäkologische Afdelen vun de Krankenhüüs Heide, Itzehoe, Niemünster un Rendsborg to dat Holsteensche Bostzentrum hett dorför sorgt, dat dat Behanneln vun Bostkrebs-Patientinnen in de Region vun de Kliniken düütlich verbetert worr . De Qualität vun de Arbeit warrt regelmatig jedet Johr dörch de Düütsche Krebssellschop un dörch de Düütsche Sellschop för Senelogie överwacht. As eerste Inrichtung vun düsse Oort in Sleswig – Holsteen kreeg dat Holsteensche Bostzentzum 2005  dat Zertifikat vun düsse hochansehn Fachsellschopen. Dorto worr dat Zentrum noch vun den Tüv Süd mit dat Qualitätssiegel DIN EN ISO 9001 – 2000 uttekent.

„Ofschoonst de verscheden gynäkologischen Afdelen nich an enen Ort   tosamenfaat sünd, funktioneert de Fächer-över-griepen un överregionale Tosamenarbeit opt best,“ seggt Prof. Dr. Oliver Behrens, Geschäftsföhrer vun das Bostzentrum.

Medizintechnisch is dat Holsteensche Bostzentrum mit dat Installeern vun enen Stereo
taxidisch för dat ambulante minimal-intensive Afkloren vun opfällige Befunnen in de Bost op den niesten Stand vun de Technik bröcht worrn. Dat Stereotaxie-Gerät stellt seker, dat de Gynäkologe na bildstüerte un Computerassisteerte Bereken mit de Help vun en Zielgerät jeden Punkt in de Bost anstüern un schonen en Geweevproov nehmen kann. De fast installeerte Stereoxidisch is zentral in`t Krankenhuus Rendsborg opstellt worrn, he kann aver vun all bedeligte Gynäkologen un Röntgenologen  bruukt warrn. Dorüm profiteert ok de Patientinnen vun de annern dree Krankenhüüs vun de hoochmoderne Technik.

Üm an de Zertifizeerung to kamen, müß dat Bostzentrum aver wiedere, hoge Bedingungen inholen. In de Zertifizerungsverfohren  sünd mehr as 170 Kriterien relevant., de de Diagnostik, Therapie un Nasorg bedraapt, jüst so as ok de Qualität vun de behanneln Dokters, dat Pleegpersonal un de Therapeuten. Överto mööt de  enkeln Afdelen för sik en Minnstallvun Behanneln nawiesen..
Ok de interdisziplinäre Tosamenarbeit twüschen de enkeln Fachafdelen worr düütlich intensiveert.
Dorto hören besünners de Onkologische Gynäkologie, de Radiologie, de Strahlentherapie, de Pathologie, de internistische Onkologie un de Psycho- Onkologie.

To dat Holsteensche Bostzentrum hört dat Krankenhuus Rendsborg, dat Westküstenklinikum Heide, dat Klinikum Itzehoe un dat Friedrich-Ebert –Krankenhuus in Niemünster. Dat slewig-holsteensche Gesundheitsministerium hett datUtrarbeiten vun en „Disease Management Programm (DFM „ ünnerstütt, en Konzept todat Verbetern vun de Behannelsstandards, dat de Patientinnen direkt togoot kümmt. To dat Konzept höört ok dat Vernetten mit düchtige daallaten Praxen in de Region.
All tosamen wiest de bedeligten Krankenhüüs en stationäret Behannelspotetial vun knapp 100.000  Patientinnen in`t Johr op. De Gemeenschop vun de veer gynäkologischen Kliniken bringt dat in`t Johr op mehr as 400 Bostkrebsoperationen.

Dat Holsteensche Bostzentrum is intwüschen en „Sellschop börgerlichenRechts“, As Geschäftsföhrer is Prof. Behrens Chefarzt vun de Rendsborger Gynäkologie un Gebortshelp wählt worr.

De Insatz vun de holsteenschen Krankenhüüs hett sienen Grund un is vun grote Bedüden, denn in ganz Düütschland warrt mehr as 46.000 Fruen in`t Johr mit Bostkrebs krank. Dat Mammakarzinom is dormit de mehrste Krebskrankheit bi de Fru.