Medizin för Kinner un junge Lüüd (Pädiatrie)

"Babyhelp Rendsborg"

Kinner in`t Krankenhuus un ehr Öllern hebbt vele Sorgen. En fründliche un op Kinner tosneden Ümwelt bringt Vertruun un de Gesundheit voran.
De Babyhelp is vun Fru Ingrid Pöpperl grünnt worrn. Siet vele Johrn stütt se dormit mit veel Möög uns Afdeel.

De Babyhelp schall de Klinik in Rebeten stütten, de nich direkt to de medizinische Grundversorgung höört, un somit nich dörch den Bedriever vun de Klinik betahlt ward. Dor kann blots en Privatinitiative helpen. De Babyhelp will ut egen Kraft, mit de Help vun Frünnen un mit dat Geld vun Spenners arbeiten. För se is dat en Anliggen, sik för de Lüttsten un faken ok swächsten vun uns Sellschop intosetten.

In de verleden Johrn is so düt un dat anschafft worrn:

Een Speelstuuv is inricht worrn
Material to`n Basteln , Speelsaken, Böker
en Höörtestapparaat för Nieborne (TEOAE)
en Waag för den Bröödkasten
en Speelplatz för Patienten
en Pulsoximeter
un velet mehr

Op de List vun de Kinnerklinik staht ümmer vele Wünsche. Wi geevt uns Möög, uns lütte un besünnners de lüttsten Patienten blangen de medizinische Grundversorgung en Ümwelt antobeden, in de se op de bestmögliche Oort un na dat nieste medizinische Weten gesund warrn köönt. Dorbi helpt de Babyhelp mit Spennen un Bidrääg.