Klinik för Allgemeen-un Visazeralchirurgie

Wi sünd för Se dor

As viszeralchirurgischet Zentrum för de Swoorpunktversorgung beedt wi en kompetente Versorgung an, för de chirurgische Behanneln vun all de kranken Weekdele , eendoon wat de akut oder chronisch krank sünd. Dodörch dat wi uns Mitarbeiters speziell utbildt un dat modernste Instrumentarium hebbt, köönt wi hoch spezialiseerte Ingrepen mit grotet fachlichet Könen vörnehmen.

To de allgemeene un besünnere Versorgung höört Operationen an dat Gallengangsystem, veelmals wegen Gallenstenen, dat Repareern vun Liestenbrüch, dat Wegmaken vun Schilddrüsenknütten, dat Rutopereern vun entzündete Blinddarms un dat Behanneln vun Sodbrennen un de Divertikelkrankheit vun den Dickdarm. En grotet Versorgungsrebeet is dat Behanneln vun Tumoren.

Dordörch dat wi mit de annern Afdelen un diagnostischen Instituten in uns Huus eng verbunnen sünd, köönt wi in enen Notfall (akutes Abdomen) heel gau en Diagnose afgeven un en Therapie ansetten.

Besünnere Opgaven vun uns Klinik sünd de Behanneln vunDarmkrebs, Magenkrebs, den Krebs in de Buukspiegdrüüs un de Spiesröhr. De velen Operationen un de hooch spezialiseert utbillten Mitarbeiters maakt en konpetente Therapie möglich. In onkologische Konferenzen ward elkeen onkologischen Fall interdisziplinär bespraken.. Dorbi kümmt nich blots de hele onkologische Kompetenz vun dat Rendsborger Krankenhuus tohoop, dor ward ok dat Weten vun annere onkologische Kompetenzsteden inbröcht, t.B. de Universität Kiel.