Klinik für Allgemein- und ViszeralchirurgieKlinik för Allgemeen- un Viszeralchirurgie

En beten Statistik

Darmkrankheiten ( üm un bi 600 Operationen in`t Johr)

Veelmals sünd de Dickdarm un de Mastdarm böösoordig krank. Mit moderne Therapiekonzepten sünd se hüüt deelwies goot to kureern. .Sünnerlich bi den Mastdarm geiht de Gefohr, dat de Krebs wedderkümmt,.dörch en Kombination vun Operation, Bestrahlen un Chemotherapie düütlich torüch.
Ok bi Darmentzündungen as bi Morbus Crohn, Colitis ulcerosa un de Divertikelkrankheit ward veelmals op modernste Oort un Wies, mehrstendeels ok mit minimal-invasive Technik behannelt.

Gallenwegskrankheiten (üm 500 Operationen in`t Johr)

Bi de kranken Gallenweeg hannelt sik dat mehrstendeels üm Gallenstenen, Düsse Operation ward tomeist minial- invasiv vörnahmen. Sünd de Gallenweeg böösoordig krank, wat selten vörkümmt, ward nich minimal-invasiv opereert. In den Fall gifft dat vele Möglichkeiten to behanneln, un dor mutt nich ümmer opereert warn.

Schilddrüsenkrankheiten ( üm 300 Operationen in`t Johr)

För dat Behanneln vun kranke Schilddrüsen is sünnerlich de Standort Eckernföör al ümmer hooch spezialiseert. Schilddrüsenpatienten ward normalerwies kort stationär behannelt, un dorbi ward de Stimmbandnerv op moderne Oort schoont. Schilddrüsenkarzinome, de bi de Operaton vördag kaamt, köönt glieks achteran behannelt warrn.

Nebenschilddrüsenkrankheiten ( üm 14 Operationen in`t Johr )

Dat de Nebenschilddrüsen krank ward, kümmt selten vör  Blots bi Patienten,bi de de Nierenfunktionen stöört sünd, finnt man se. För de Operation vun kranke Nebenschilddrüsen sünd spezielle Erfohrungen un Apparaten nödig, de sünd komplett vörhannen.  

Buukspiegdrüsenkrankheiten ( Üm 50 Operationen in`t Johr)

Kranke Buukspiegdrüsen sünd en besünneret Rebeet. Wie beedt de ganze Brede vun de ünnerscheedlichsten Verfohren an. Eendoont wat de Buukspiegdrüüs böösoordig krank is oder en Entündung vörliggt, wi behannelt se seker un mit de modernsten Verfohren.

Tumorchirurgie ( üm 350 Operationen in`t Johr)

All viszeralchirurgischen Tumoren ward operativ oder kombineert interdisziplinär behannelt. Dat gellt för de Spiesröhrkrebs, den Magenkrebs, den Darmkrebs , den Krebs in de Buukspiegdrüüs un annere Organkrebsen.

Liestenbruchchirurgie ( üm 500 Operatonen in`t Johr)

De Liestenbruch höört to de Krankheiten, de mit an`n meisten opereert warrn mööt. Jedet Johr ward en bannig grote Tall vun Patienten, mehrstendeels  minimal-invasiv opereert.De Vördeel vun de minimal- invasive Chirurgie bi den Liestenbruch is, dat de Patient gau wedder rundüm aktiv ween kann.

Minimal-invasive Chirurgie ( üm bi 1.100 Operationen in`t Johr )

En groten Deel vun de Patienten in de Klinik för Allgemeen- un Viszeralchirurgie ward minimal-invasiv behannelt. Dorto höört de Liestenbruch, de Gallenstenen, de chronischen Entzündungen vun den Dickdarm, de Refluxkrankheit (Sodbrennen),de Blinddarmentzündung un vele annere Krankheiten in den Buukruum.

Wundtherapie (üm  200 Operationen in`t Johr)

In de verleden Johren hett sick op dat Rebeet vun de Wundtherapie veel daan.. Dat is nu vull un ganz  in de Behannelskonzepten vun uns Kinik opnahmen. Hochspezialiseerte Verfohren in de Wundtherapie maakt dat hüüt möglich, dat komplizeerteWunnen sloten un en Amputation veelmals afwennt warrn köönt.