Allgemeenchirurgie

Hartlich willkamen in de Klinik för Allgemeen- un Viszeralchirurgie

De Klinik för Allgemeen- un Viszeralchirurgie höört to de gröttsten vun düsse Oort Kliniken in Sleswig-Holsteen un büddt dat hele Spektrum vun de moderne Methoden vun`t Ünnersöken un Behanneln  an.

Informationen Allgemein- und Viszeralchirurgie

Jedet Johr ward meist 4000 Patienten an de beiden Steden Rendsborg un Eckernföör behannelt.

Dorto hört sünnerlich Patienten mit de ünnerscheedlichsten kranken „viszeralen“  Organe
(Spiesröhr,Magen,Darm,Buukspiegdrüüs,Gallenweeg , Schilddrüüs un de Weekdeele dorbi rüm). Dörch de grote Erfahrung hebbt wi en besünnere Kompetenz in dat Behanneln vun böösoordige Tumoren. Krankheiten, de veelmals vörkaamt, so as Gallenstenen, Liestenbruch,
Sodbrennen, Dickdarmdivertikel ,ward mehrstendeels mit moderne Technik minimal-invasiv (Slötellock- Technik) opereert un dorbi dat Gewebe schoont.
De grote Tall vun Patienten maakt dat möglich,de Kompetenzen tosamentofaten un Swoorpunkte in Rendsborg un Eckernföör to setten. Dordörch ward de Sekerheit un de Qualität vun dat Behanneln för de Patienten noch verbetert.

Hööchstleistungen sünd in de Medizin hüüttodaags blots möglich, wenn Krankheiten interdisziplinär ( in Tosamenarbeit vun de Fachrebeten) behannelt ward. Dorüm arbeidt de Klinik för  Allgemeen – un Viszeralchirurgie eng mit de Kliniken in uns Huus un mit de Huusdokters in de Region tosamen.  Wi as akademischet Lehrkrankenhuus vun de Universität Kiel hebbt över dat Utbillen vun Studenten ok en enge Kooperation in de medizinischen Rebeten.

Op de neegsten Sieden vun uns Internetinformationen köönt Se sik över uns Anbott, de Hauptrebeten un över de velen annern Aktivitäten vun de Klinik künnig maken.Düsse  Informationen schüllt Se Vertruun geven, sik mit Ehr Fragen un Krankheiten an uns to wennen.