Geriatrie

Hartlich willkamen in de Klinik för Geriatrie

Siet den Anfang vun de geriatrisch-stationäre Behanneln (siet 2001) hett de Tall vun de Patienten stüttig   tonahmen. Siet  2008 hebbt wi mehr Rüüm un dorto en Niebuu vun de Dagklinik. Dordörch köönt wi nu blangen de 34 stationäre noch 12 wiedere Behannelplätz  in de geriatrische Dagklinik vörhollen.

Flyer unserer geriatrischen Tagesklinik

De Afdeel is en interdisziplinäret Zentrum för Geriatrie un Rehabilitation. Dordörch,  dat wi en enge Tosamenarbeit dörch fachövergriepen Visiten fastleggt hebbt, an de jede Wuch de Chefärzte vun de Innere Medizin, de Psychiatrie un de Unfallchirurgie/Orthopädie deelnehmt, köönt gau de besten Therapien fastleggt warrn.

De Geriatrie (Heelkunn för öllere Minschen) befaat sik blots mit de Behanneln vun öllere un ole Minschen.

In Sleswig-Holsteen as ok in annere Bundeslänner ward keen Ünnerscheed maakt twüschen geriatrische Akutbehanneln un geriatrische rehabilitative  Behanneln. De Vördeel is, dat dat ümmer üm reguläre Krankenhuus Behanneln geiht. Patienten köönt ok vun ehrn Huuusdokter inwiest warrn; wenn se vun annere Afdelen  oder Krankenhüüs verleggt ward, bruukt  keen Andrääg op Rehabilitation stellt warrn.

Wi behannelt tomeist Minschen, de na en swore Krankheit den Alldag nich mehr egenstännig dwingen köönt. Wenn wi se övernehmt, sünd de Patienten veelmals noch bettlägerig. Mennigmal hannelt sik dat bi de Krankheiten um Brüch in de Neegde vun de Hüftgelenke un üm Slaganfäll..Dat versteiht sik , dat ok Patienten mit Hartkreisloopkrankheiten övernahmen ward, t.B. Hartinfarkt oder Beenamputation(Prothesenträining) .

An`n Anfang vun de Therapie ward na en diagnostischen Prozess systematisch de medizinischen, funktionellen un psychosozialen Probleme faststellt. De dordörch faststellten Grundlagen sünd nödig, üm enen Rundümplaan för de wiedere Behanneln optostellen.

De Opgaav vun de Geriatrie is in de Hauptsaak, de Patientinnen un Patienten so sülfstännig  as möglich to maken. Bestenfalls kann de Tostand vun vör de  akute Krankheit wedder herstellt warrn; dorto mutt de Patient aver den Willen to en Rehabilitation hebben. Wi hoolt dorför blangen de normale medizinische Behanneln ünnerscheedliche Therapiemöglichkeiten paraat.

Flyer unserer Geriatrie